ŷ������

أنا بدأت قراءة فى الكتاب ده من فترة بس مكملتوش للأسباب دى.... أولا: حسيت ان فيه استخفاف بعقل القارئ لكونها مجرد أفكار عاوز يقنعك بعا من غير ثبوت أدلة منطقية ولا اسلوب علمى .... مجرد دجل وشعوذة معتمدة على مقولة (لو آمنت بها هتلاقيها) المقولة الساذجة واللى أى كاتب فشل فى اثبات صحة أفكاره بيستخدمها.
ثانيا: محاولة لزعزعة اليقين بوجود الله باعتباره حقيقة نسبية منبثقة من الحقيقة المطلقة واللى هى حسب ما الكتاب بيقول(قانون الجذب)
ثالثا: وضع مصير كل شيء فى يد الانسان حتى مصير الانسان نفسه... وده بيفكرنى بنظرية داروين واللى بسببها حصل صراعات زمآسى فى العالم.
دى مجرد وجهة نظر عن قراءة مبدئية فى الكتاب حبيت اقولها بسبب انتشار الكتاب
ياريت لو حد قرأ الكتاب كله وشايف ان فيه حاجة أنا فهمتها غلط يصححنى ، لأن أكيد اللى قرأ الكتاب كله فهمه أكتر منى.

أنا قرأت فيه شوية ..بس لقيته ممل بطريقة رهيبة ..ومكملتوش ..وصلت لنصه وحسيت انى مستفدتش منه حاجة !
متفق معاكى جزئيا

أنا مش متفقة مع الكلام تماما,الكتاب مفهوش دجل ولا حاجة,هو بس بيلفت نظرنا لإمكانيات جوانا واحنا مش بنركز عليها مش أكتر من كدة,هو كله يتلخص في كلمتين الإرادة والإيمان بأحلامنا,وانا مش شايفة خالص انه بيشكك في وجود الله بالعكس ,سبب من أسباب النجاح هو ان الواحد يحمد ربنا,ومفيش اي تعارض بين قانون الجذب والايمان بالله,عشان القانون ده مرتبط بأحلامنا والحاجات اللي عايزين نحققها وكل ما بنؤمن بيها بيحصل زي ما يكون جذب ليها ويمكن الكتاب لم يوفق في انه يوضح المقصود من كلمة قانون الجذب,هو يقصد الارادة اللي جوانا اللي بتخلينا نجذب الحاجات اللي بنتمناها,والكتاب بيتكلم عن مصير الانسان في حياته ,يعني احلامه يوصل بيها لحد فين ويحققها ازاي وديه فعلا في ايد الانسان ,أعتقد انه الكتاب مش بيقول حاجة جديدة غير انه بيفتح عقلنا على حاجات تايهين عنها زي الارادة اللي جوانا واللي ممكن تخلي من أصعب الاحداث أشياء عادية جدا

السؤال: ايه الدليل على صحة الفكرة اللي في الكتاب؟

الجواب:الكلام مقنع وجربه بنفسك,جرب انك تهتم بفكرة معينة أو حاجة بسيطة بتتمني تعملها,حطها في دماغك,تخيل انها حصلتلك وانك بقيت فرحان لما حصلت,جرب كدة وهتلاقي نفسك من غير ما تحس بتعمل الحاجات اللي بتقربك من الحاجة ديه,وعن تجربة انا عملت كل اللي مكتوب في السر وحطيت في دماغي حاجات بسيطة بس هتفرحني لو حصلت وفعلا لما تخيلت وصدقت انها حصلت,حصلت فعلا ومهواش سحر لكن بتأمن وتصدق بحاجة معينة وبتعمل اللي يحققها عشان كدة بتتحقق,وقيس على كدة افكار واحلام أكبر بكتير

أنا متفق تماما مع الكلام ده... والفكرة دي موجودة في كتب تانية كتير .. اني عشان أحقق اللي أنا عاوزه لازم أؤمن بيه .. واتخيل فعلا اني حققته وأعيش شعور اني حققته ..... وده هيخليني أعمل الحاجات اللي بتقربني من الحاجة دي زي ما حضرتك قولتي.... -انما مفيش قوة في الكون اسمها قوة الجذب هي هتجيبلي الحاجة دي زي ما الكتاب بيقول-..ودي فكره قديمة وأعتقد انها .قائمة على نظريات وتجارب ، مش سر ولا حاجة

الحاجة التانيه ان الكتاب بيقول ان كل حاجة بتحصل للانسان بيكون هو اللي جذبها له بتفكيره فيها.. وده بيناقض فكرة القضاء والقدر

يمكن الكتاب أخطأ لما قال كلمة قانون الجذب,عشان مفيش حاجة فعليا اسمها كدة لكن كل اللي عمله انه سمى كل اللي قلناه ده بقانون الجذب,يعني اسم متألف مش أكتر,كان ممكن يسميها إرادة أو طموح لكن لما جه يدمج ده كله مع بعضه قال عليه قانون الجذب,حاجة تانية بالنسبة للقضاء والقدر:كلام الكتاب متعلق بالأحلام والحاجات اللي بنتمناها لكن القضاء والقدر ده حاجة تانية ,حاجة ربنا كتبها علينا وحتصللنا شئنا أم أبينا,لكن المفهوم اللي الكتاب عايز يقوله هو الاحلام والأماني اللي عايزين انها تتحقق وغير متعلق تمام بمسألة القضاء والقدر

وكل حاجة بتحصله يعني الحاجات اللي ممكن يتحكم فيها,زي شغله مثلا ,لو اجتهد وركز هيشتغل حاجة كويسة,لو اهمل نفسه ومفكرش مش هيلاقي شغل كويس وده لا يتعارض مع فكرة الرزق اللي ربنا كتبه لينا,وزي النجاح برضه في الدراسة,واحد ذاكر كويس وفهم واشتغل,هينجح وواحد تاني معملش ولا حاجة اكيد واحنا مغمضين هيسقط,لكن فيه حاجات قدرية مثلا زي الموت والحوادث والمصايب وما يلاقيه الانسان من حاجات كتير في حياته,كلها حاجات مش بإيده لكن مكتوب عليه يقابلها ويقدر يغير من نتايجها وتأثيرها مادام قادر يفكر,من الاخر الكتاب من وجهة نظر إسلامية بيقول الأخذ بالأسباب

لو الموضوع مقتصر على الارادة والطموح وتحقيق الأحلام فمفيش مشكلة ، حتى الفكرة دي الكتاب معرضهاش بأسلوب منطقي ، هو يمكن بس عرضها بأسلوب مشوق.
الموضوع ان الكتاب أحبط توقعاتي ، مع شهرته الكبيرة والمقدمه (سر ظلت تتناقله الاجيال واستـأثرت به الطبقة الناجحة ....) اتوقعت اني هلاقي حاجة جديدة وقيمة ، وده ملقتوش.
كان فيه جمل في الكتاب قفلتني لعدم منطقيتها وحسيت ان فيها استهانة بالعقل
ده غير الجمل اللي حسيت ان فيها تناقض مع العقيدة
افتكر مثلا ان الطيارة اللي بتقع ده لأن كل الركاب توافق عندهم مشاعر سلبية.... لو مشينا بالمنطق ده مش هنلاقي حاجة اسمها قضاء وقدر عشان نؤمن بيه ...
أنا قرأت ربعه من أكتر من 6 شهور فبحاول أفتكر
يعني مثلا كان فيه جملة ان" قانون الجذب هو القوة المتحكمة في الكون ، الفيزيائي بيسميها الطبيعة ، والمسلم بيسميها الأله ......الخ) تقريبا ... انا فاكر ان فيه جملة بنفس المعنى ده.

في ديه بقى عندك حق بجد,المشكلة اني أخدت مفهوم الكتاب ككل من غير ما اقف عند التفصيلات اللي جواه,حتى الجملة اللي انت قلتها ديه انا افتكرتها دلوقتي لما قلتها وبس لكن غير كدة مخدتش بالي منها عشان فكرة الكتاب إجمالا كانت شداني أكتر وكان بالنسبة لي كلام جديد بعرفه لأول مرة,يمكن سبب الحاجات اللي انت ذكرتها ديه ان مؤلفي الكتاب تختلف عقائدهم وأفكارهم تماما عن أفكارنا كمسلمين,لكن فيه حاجات تقبل وفيه حاجات أخرى أو بالأخص تعبيرات ترفض وأعتقد ان ديه النقطة اللي نتفق عليها في الكتاب

النقاش مع حضرتك كان مفيد وخلاني أعيد التفكير في رأيي عن الكتاب ، وسألت نفسي اذا كنت واخد الكلام بحساسية شوية ، خصوصا لما لاحظت ان حضرتك أخدتي الجانب المفيد من الموضوع ....

لما كنت بجيب كتاب السر -ولشدة اهتمامي بالموضوع ساعتها- كنت جبت معاه كتاب اسمه "السر وقانون الجذب ، دراسة تحليلية ل هند رشدي" ... لكن مفتحتش الكتاب التاني ده الا النهاردة من ساعة تقريبا -خصوصا لما اتقفلت من الكتاب الأصلي ومكملتوش- .. ولقيت الكتاب التاني ده مفيد جدا في الموضوع ، خصوصا أول 40 صفحة وآخر 100 صفحة .. بقية الصفحات هي كتاب السر الأصلي باللغة العربية والانجليزية ..

أنا كمان استفدت من النقاش جدا خصوصا اني خدت بالي من حاجات في الكتاب موقفتش عندها غير لما حضرتك اتكلمت فيها,وحاجات تؤخذ على الكتاب لإنه المفروض لو بيخاطب العالم كله يبقى لازم يخاطب بالأمور المشتركة مع الأديان والعقائد كلها زي ما اتعمل في باقي الكتاب,كنت شوفت مرة كتاب قانون الجذب لكن مقريتوش,ان شاء الله هقرأه قريب وكانت مناقشة حلوة جدا :)

الكتاب فيه كتير من الأفكار و المواضيع الدينية... بس معروضة بطريقة ثانية ومختلفة..طريقة بتناسب الغرب... أنا من الناس يلي بتفق مع الكاتب بمعظم الأفكار... لأنه وقت بتأمن بوجود الله بتحس فيه بس ما بتشوفه... وحياتنا كلها مبينة ع الأيمان و الثقة بالنفس للوصول للأمور يلي بدنا ياه.
If you believe in it, You'll get it ;)

تعليقك جيد ورائع بالواقع ولو أنو بالغت كتير والكتاب هو تجاري بحت واللي فعلا بتشوفو هو ما بيضيف أي شي جديد ولو أنو بمجمله عم يصب بفكرة قانون الجذب ولو اعتبرناه كفكرة مقبول بها جزئيا فهي فكرة مطروحة مسبقا يعني مالها جديدة وذلك بكتاب فكر واغتن لنابليون هيل بس بهاد الكتاب تم الحديث عنها بأبعاد عديدة وكما قلت تم حتى ذهبوا بها إلى أنها لها دور بتحديد مصير الإنسان وفي من يقول الإنسان سيد قدره ويج أن يتم تحديد الفكرة المقصودة من الكلام فإذا كان المقصود أن الإنسان مخير وليس مسير فيمكن القبول به ..... عموما شكرا لرأيك

الفكره بسيطه و منطقيه و لا تستحق كل هذه الضجه, هذا مثل صارخ للتجاره في أي شئ

انا تعليقي كله لخصه د\سلمان العودة في تحليله السريع للكتاب أهواللينك للمقال

أنا عند ظن عبدى بى
فليظن بى ما شاء
حديث قدسى يلخص كل شىء

قرأته، ملخصه بيع الوهم
و قانون الجذب ماهو إلا دجل بدجل، و لخبطة للأمور. المتوهم البائس، و الأحمق الجاهل وحدهما يصدقان هراء كهذا

Henar wrote: "انا تعليقي كله لخصه د\سلمان العودة في تحليله السريع للكتاب أهواللينك للمقال
"

شكرا لك بالفعل مقال ممتاز

لم اكمله وجدت فيه ما يشبه الوجبات السريعة تشبع و لا تفيد اطلاقا..تشبع رغبات و احتياجات الناس الى النجاح على اساس مفاهيم غلط امقت هذا النوع من الكتب على غرار كيف تصبح مليونيرا في عشر خطوات ..

Khalid wrote: "السؤال: ايه الدليل على صحة الفكرة اللي في الكتاب؟"

على فكرة الكتاب جيد جدا انت لو كملته للاخر هتلاقى نفسك تلقائيا اللى كنت بتفكر فيه بيحصل انا بقول ده لأنه حصل معايا فعلا
الفكرة فى الكتاب كله انك بتفكر بشكل معين و بتوجه تركيزك على حاجة معينة فيتم فيها اقناع عقلك الباطن ان الحاجة دى فعلا موجودة و بالتالى بتلاقيها حواليك فقط لأنك كنت بتدور عليها هو نوع من انواع توسيع افاق

يا شباب ، أي فكرة جديدة طبعاً راح تعتبرها مهزلة أو استخفاف بالعقل البشري ( وقد تكون كذلك )؟!
فما السبيل للتميز بين أنهافكرة جديدة قد تغير حياة شخص ، أم أنها استخفاف بالعقل البشري؟!
الجواب : ( التجرربـــــة )، التجربة خير برهـآن.
اقرأوا الكتاب للأخير وجربوا ما يقوله وانظروا ماذا سيحصل.
لاتحكم على أي فكرة بأنها سيئة أو إنها استخفاف ( كما نظر أصحاب إينشتاين لـ إينشتاين بإنه صاحب أفكار غبية وأنه يسبح في عالم الجنون )َ.
هذا رأيي بخصوص النقاش الدائر حول هذا الكتاب ،
من ناحية الكتاب نفسه ، أنا مقتنع فيه من باب المجاز ( وليس من باب الفيزياء ، بالرغم من أنه هناك شرح فيزيائي فيما يتعلق بخصوص قانون الجذب بمبدأ يسمى " مبدأ التردد " ).
من أحب أن أطلعه عليه ، فليتواصل معي .
موفقين

قرأت كتاب «السر» بتأمل وتدبر بعدما مُدح مدحا بلغ عنان السماء، ولما انتهيت من قراءته وضع في يدي اليمنى الشمس وفي اليسرى القمر، ولكن تبين لي أنه يعيش الوهم ويذهب وراء الخيال ويطارد السراب، فهو فقط يرى أن تستشعر السعادة وسوف تسعد، وتفكر في الغنى وسوف تغتني، وتتأمل السلطة وسوف تنالها، ويدلك بطريق الجاذبية على كل ما ترغبه في الحياة وأنت جالس في بيتك، ويضرب لك قصصا للمشاهير، فأحدهم بالجاذبية فكر في الغنى فصار من أغنياء العالم، والثاني رغب في سيارة فارهة وأعد لها موقفا عند بيته فحصل عليها، وثالث حدثته نفسه بمنصب كبير فوصل إليه، وقانون الجاذبية الذي يذكره هو كبسول مسكن وكأس مسكرة وأفيون مخدر يتناوله الكسالى الفارغون وهم جالسون في بيوتهم فتنثر الدنيا تحت أقدامهم بما أرادوا من شهرة ومال ومنصب وسلطة وجاه وزوجة حسناء وسيارة فارهة، وذُهلت من اقتناع كثير من الناس لهذا الطرح السامج والفهم الساذج لقانون الحياة وسنة الله في الكون، فالله تعالى يقول: «وقل اعملوا فسيرى الله عملكم ورسوله والمؤمنون»، ورسول الله صلى الله عليه وسلم يقول: «أعقلها وتوكل»، ويأمر الناس بالعمل والجد والمثابرة والكفاح وطلب الرزق والبذل والتضحية في حياة كريمة، ويأمر أحد الصحابة أن يأخذ فأسا ويحتطب ويبيع، وينهى عن البطالة والعطالة، وعمر بن الخطاب يضرب شبابا أغلقوا على أنفسهم المسجد وتركوا الكسب والعمل، وقال لهم: «اخرجوا واطلبوا الرزق فإن السماء لا تمطر ذهبا ولا فضة». وفي الأخير الحمد لله أني وجدت طائفة من العلماء والمفكرين والمثقفين قد ردوا على كتاب «السر»، وأنكروا كثيرا مما ورد فيه، وألفوا ضده كتبا طُبعت في الأسواق، وأنا أعلم أنه يجب علينا أن نحسن الظن بالله، ونعيش الأمل، ونفكر في النجاح، ونحدث أنفسنا بالتفوق، ولكن لا يعني ذلك أن ننام ونستسلم ونترك العمل ونهجر الميدان زاعمين أن مجرد التفكير في أي مطلب على قانون «الجاذبية» المزعوم سوف يحقق لنا هذا المطلب.

I like your comment. It's so true

Khalid wrote: "أنا بدأت قراءة فى الكتاب ده من فترة بس مكملتوش للأسباب دى.... أولا: حسيت ان فيه استخفاف بعقل القارئ لكونها مجرد أفكار عاوز يقنعك بعا من غير ثبوت أدلة منطقية ولا اسلوب علمى .... مجرد دجل وشعوذة معتم..."

i agree, my opinion is the author lacks religious spirituality that's why she's consumed with trivial useless ideas

sorry for writing in english but my keyboard at the moment doesn't have arabic letters

الكتاب كويس .. مش لازم يبقى فيه حاجة ملموسة لينا عشان نقول الكتاب كويس .. فيه افكار حلوة وطريقة تفكير ايجابية .. هو بيقول ابعد عن الافكار السلبية وركز على الافكار الايجابية .. مع السعى ليها هتوصلها ... بيقول شعور الفرد بالامتنان سبب فى جذب الخير له .. نفس معنى ولان شكرتم لازيدنكم . يعنى مجرد مقولة الحمد لله كفاية !

انا شايفه ان قانون الجذب هو اسلوب الغربيين فى تفسير الامور الغير خاضعه للمنطق الى احنا كمسلمين او موحدين بنكون فاهمينها وعارفين ان ربنا قادر على كل شئ واننا لو سعينا ربنا بيسعى معانا
وتفائلوا بالخير تجدوه
وانا عند ظن عبدى بى
هما بما انهم معندهومش الفكر دا فكان لازم يلاقوا نظريه تفسر لهم ازاى ساعات الامور بتتغير للاحسن لوحدها وازاى ممكن واحد يجيله رزق فجاة وكدا يعنى
فكان قانون الجذب
بقوا بيشكروا الكون على الحاجات الحلوة فى حياتهم

ومن جهه تانيه الحلو فى الكتاب او الفيلم انه يخلينا احنا الموحدين قادرين اكتر فعلا نكون ايجابيين

deleted user wrote: "أنا بدأت قراءة فى الكتاب ده من فترة بس مكملتوش للأسباب دى.... أولا: حسيت ان فيه استخفاف بعقل القارئ لكونها مجرد أفكار عاوز يقنعك بعا من غير ثبوت أدلة منطقية ولا اسلوب علمى .... مجرد دجل وشعوذة معتم..."

بص انا شايف ان بيحمسك ع التفاؤل بس مش اكتر ...هو اينعم في شويه الحاد ونكران بان كل شئ بيد الله بس انت خد اللي يناسبك وسيب الباقي

اولا الكتاب مش فيه اى عامل من عوامل الجذب والتشويق ، و لكن فى كلام منطقى و صحيح فى بعض اجزاءه و ليس كله

ليس سيئا .. لكن فكرة الكتاب قائمة على فكرة قانون الجذب و هي فكرة ليست صحيحة الى حد ما فليس التركيز هنا على الحصول على شيئ ما هو ما يجلبه لما ..
الكتاب احدث ضجة كبيرة في وسط الكتب بسبب التسويق الجيد له لييس اكثر و لا اقل لان الكاتبة اعتمدت على فكرة غير حقيقية

الفكرة جيدة لكنها تظل في نطاق العلوم الزائفة يعني كثير من و الكلام الجميل حول قوة العقل الباطن و هو تصور يساعد الانسان على التغلب على فكرة فشل التضرع بتعويضها بالتركيز، المهم أن قراءة الكتاب ممتعة و إن لم تنفع لن تضر

deleted user wrote: "السؤال: ايه الدليل على صحة الفكرة اللي في الكتاب؟"

الكتاب ممكن يكون ترجمة نظرية لأساس في ديننا وهو التفاؤل والظن الحسن بالله تعالى
" أنا عند ظن عبدي بي فليظن بي ما شاء "

والرسول صلى الله عليه وسلم أخبرنا أن المتفائل يجد حسن ظنه